Mga gambling lord sa industriya ng ‘Jueteng’

TILA mabubura ang proyektong “Loterya ng Bayan” ng Philippine Charity and Sweepstakes Office (PCSO) dahilsa sa patuloy na operasyon ng ‘Jueteng’ at illegal gambling sa bansa.

Naging kahalili kasi ito ng nilusaw na STL o small town lottery lalo pa’t sa lalawigan ng La Union ay lantaran na raw ang operasyon ng jueteng.

Pag-aari ito ng isang LUDING BOONGALING kung saan may ginagawang madyik daw ang ale kaya ‘di matinag ng kapulisan.

Nagmistulang BULAG, PIPI at BINGI naman daw si GOV. ORTEGA sa jueteng operations ni Luding.

Super lakas daw kasi kay Gob si Luding dahil hanggang ngayon ay ‘di masawata ang kanyang iligl na operasyon.

Ang nagpapatakbo raw nito ay isang DANNY AVESILYA na bata ni Gob kaya tuloy ang ligaya ni Luding at ng kanyang illegal numbers game.

Madalas daw manakot ang mga bata ni Luding na ‘di siya takot sa kapulisan dahil hindi raw nawawalan ang mga ito ng “PABAON” at “PASALUBONG” mula sa kanya.

Ano kaya’ng masasabi rito ni LA UNION PD SR. SUPT. RAMON OYSON?

Si Tony “Bolok” Santos sa QC

LUMALAKAS ang jueteng operations ni TONY “BOLOK” SANTOS sa Kyusi.

Ipinagkakalat daw niya na ayos na sa kanya lahat ng media.

Pati pa nga raw ang mga pulis ay TIMBRADO na kaya ‘di na siya natatakot na mapa-operate siya ng Quezon City Police District Director.

Mahina nga yata ang INTELLIGENCE UNIT ng PNP-QCPD kaya ‘di nila natutunugan ang operasyon ni Bulok o baka naman may “PASALUBONG” o “PABAON” na sila rito?

Nagiging sakit na raw ng ulo ng mga residente rito ang patengwe ni Bulok dahil maging ang mga kabataan ay natututo nang tumaya.

Ewan ba natin kung anong uri ng intel gathering ang ginagawa ni GEN. BENJARDI MANTELE at ‘di niya napapansin ang illegal numbers game sa area of responsibility niya. Kilos naman general!

‘Sakla’ nina Linda at Dako sa Baclaran

HANGGANG ngayon ay hindi pa rin masawata ng Parañaque Police ang ‘pa-sakla’ nitong isang Alyas Dako at Alyas Linda.

Nagmamalaki raw ang dalawa na hindi sila kaya ng mga pulis dahil may TIMBRE na sila rito.

Dagdag pa rito, ipinagmamalaki rin daw ng dalawa na protektado sila ng ilang miyembro sa media kaya umaariba ang kanilang operasyon.

Bukod sa sakla ay nagpapatakbo rin daw ang dalawa ng VIDEO KARERA at FRUIT GAMES.

Ipinamamalita pa raw ng mga ito na mahusay daw silang makisama sa MEDIA kaya patuloy ang kanilang pag-o-operate.

Malakas din daw kay BRGY. BACLARAN CHAIRMAN DON-DON CAILLES sina Dako at Linda.

Pati daw sa tanggapana ni new PARAÑAQUE POLICE CHIEF P/SUPT ALFREDO VALDEZ ay naka-TIMBRE na ang dalawa?

Jueteng sa Pangasinan, La Union buhay na naman

TULOY ang ligaya ng mga operators ng demonyong illegal numbers game na sumisira ng pangarap ng mga kabataan.

Pati mga bagito ay tumataya na rin daw at ginagawa pang kubrador ang ilan.

Muli na naming namamayagpag ang mga kilalang jueteng lords gaya nina BOY AQUINO sa Baguio City, LUDING sa La Union, at DON RAMON sa Quezon City.

Ayon sa impormasyon na ating nakalap, sinasabing bayaw daw ni DON RAMON si QCPD CHIEF SUPT. ELMO SANDIEGO.

Kaya raw hindi nalalansag ang grupo ng mga naturang JUETENG LORDS ay dahil may TIMBRE raw ito sa tanggapan ng PNP CHIEF.

Natuklasan na umaabot sa P5-M ang ibinibigay ng bawat JUETENG LORDS sa PNP CHIEF bilang “PASALUBONG”.

Teka, alam kaya ito ni PNP CHIEF RAUL BACALZO? Kung hindi ay mas maiging BUMILI na siya ng HELMET dahil tiyak NABUBUKULAN na siya.

‘Arn-Arn’, basahin mo ito!

INYONG matutunghayan ang email na ating natanggap kaugnay ng ‘demolition job’ at mga malisyosong paninira laban kay DOTC Asst. Sec. Virginia Torres, hepe ng Land Transportation Office (LTO).

Ewan lang natin kung alam ni Karen De-vila, este, Davila ng ABS-CBN na matindi ang isyung si Arnold ‘Igan’ Clavio (aka ‘Arn-Arn’) ay kabilang umano sa mga nagpapagamit para gibain si Torres dahil sa nabulilyasong kontrata ng isang maimpluwensiyang negosyante sa LTO.

Narito po ang kabuuang nilalaman ng nasabing email:

“Noong nakaraang araw, todo batikos si Arnold Clavio ng Kapuso Network kay Land Transportation Office Chief Virginia Torres. Sa kanyang artikulo sa Abante na may malisyosong pamagat na ‘DeVIRGIEnize,’ puntiryang puntirya ni Igan si Torres na ‘di umano ay walang kakayahan.

Isa sa mga puntong nilabas niya ay ang isyu ng take-over sa Stradcom noong Disyembre 09, 2010 kung saan isinisi lahat ni Igan ang problemang ito kay LTO Chief.

Kung maaalala, si Arnold Clavio ang nag-interview kay Cezar Quiambao, pinuno ng Stradcom, noong kainitan ng pagtake-over sa Stradcom.

Ininterview din ni Igan sa kanyang show na Tonight with Arnold Clavio si Cezar Quiambao. Walang dudang malapit ang dalawang ito sa isa’t isa kaya naman halatang may bahid na politika ang kanyang pambubuska kay Torres.

Pati ang inisyal na imbestigasyon ng Department of Justice kinatigan ni Clavio, ang sinabi ng isa mga tumestigo na alam ni Torres ang nakaambang pagsugod ng mga kalaban ni Quiambao sa opisina nila gayung sinabi naman ni Torres na ang utos lamang niya ay huwag makialam ang sino man sa LTO sa away sa loob ng pamunuan ng Stradcom.

Pinapalabas pa niya na nalugi ang LTO dahil dito, eh alam ng lahat, and I mean lahat, na buwan buwan, hindi bababa ng 10 araw ang pag-o-offline ng LTO dahil sa Stradcom, luging lugi ang LTO dito Igan, eh bakit ito hindi mo mapuna?

Ang RFID na sinuspindi ng Korte Suprema dahil sa patung-patong na iregularidad, ba’t hindi mo binabatikos? Ang refund ng RFID na ayaw ibalik ni Quiambao, ba’t hindi mo binabatikos? Eh iniintay na ‘yun ng taumbayan! Ang kapal naman talaga ng Stradcom!

At higit pa doon, ‘yung RFID fee pa nga lang ang hinihiling sa kanila, wala pa roon ang computer fee na kasama nito.

At hindi pa natapos doon ang pagkikritiko ni Clavio, maging ang paulit ulit at recycled na isyu ng dokumentong pinirmahan ni Torres ay walang patumanggang idinidiin niya sa LTO Chief.

Nilinaw na ni Torres na bago pa man niya pinirmahan ang papeles ng kwestiyonableng Pajero ay legal na itong narehistro sa kanyang opisina, at ang tangi niyang ginawa ay kumpirmahin ang RENEWAL OF REGISTRATION.

Samakatuwid, narehistro na ito bago pa man umupo si Torres, eh bakit hindi ang pumirma ng unang rehistro ang hinahabol ni Clavio?

Pinagdidiinan pa ni Igan na wala siyang motibo sa pagkikritiko niya? Kahit kaibigan mo si Quiambao?

Alam ng madla na inirekomenda ni Torres na kanselahin ang kontrata ng Stradcom dahil sa napakaraming problemang dinadala ng IT contractor na ito sa LTO.

Isa na rito ang kawalan ng back-up system ng Stradcom, buwan buwan na pag-offline ng LTO System, ang walang security feature na IT system kaya narerehistro ang mga “hot cars,” ang ilegal na interconnectivity fee at Direct-Connect facility, at marami pang iba!

Clavio, ang dami na ng atraso ng Stradcom ah, ba’t hindi mo man lang mabanggit?

Sabi pa ni Clavio, ‘layunin ko lang ay mas mapaigi at maging maayos ang takbo ng serbisyo ng LTO sa mamamayan at ‘di ako naniniwala na maipagkakaloob mo iyon.’ Mapaigi ang serbisyo ng LTO o maproteksyunan ang kaibigan mong estapador?

‘Di ba’t may kasong P100 milyon si Cezar Quiambao dahil sa paglulustay niya sa pera ng isang tollway development company? Hindi ba’t inaakyat pa ni Quiambao ang kaso sa Court of Appeals pero na-deny siya?

Ngayon, may bagong kaso ang kaibigan mong si Quiambao sa DOJ na sinampa ng isang road users group, P2 bilyon na plunder case. Hindi mo pa din ba babatikusin ang Stradcom at si Quiambao? ‘Di ba mahilig ka namang maniwala sa mga sabi-sabi?”

Bukas po ang pitak na ito upang ilathala ang panig ni Clavio tungkol sa itinampok nating isyu laban sa kanya.

Mayor Alfredo Lim sa EDSA People Power I

"Gentlemen, thank you for coming here and supporting us. But during one of the crisis moments last Sunday, when the order to disperse was given, I contacted Fred Lim. And without much ado, he evaded that dispersal order. Fred, thank you very much. And thanks again to all of you gentlemen.”

‘Yan ang maikling pananalita na namutawi sa bibig ni dating Pang. Fidel V. Ramos sa harap ng maraming saksi nang maganap ang EDSA People Power I na siyang nakaupo noon na vice chief of staff ng Armed Forces of the Philippines (AFP) at hepe ng PC/INP, 25-taon na ang nakararaan.

Ito ay nalathala at mababasa sa isang aklat na isinulat ng yumaong National Artist na si Nick Joaquin kung saan inilalarawan ang mahalagang papel na ginampanan ni Mayor Lim bilang isa sa mga bayani na isinilang ng EDSA.

Sakaling marami ngayon ang hindi nakaaalam sa mga totoong kaganapan ng makasaysayang pangyayari, ang EDSA ay pangunahing teritoryo na pinamumunuan ni dating General Alfredo Lim na noon bilang director ng Northern Police District (NPD) na may sakop sa Quezon City at Camanava.

Ayon na rin sa naitalang kasaysayan, posibleng hindi natuloy ang EDSA kung hindi binale-wala at sinunod ni Lim ang utos ng ibang nakatataas na opisyal sa kanya na lansagin ang hanay ng mga nagtitipon sa harap ng Camp Aguinaldo at Camp Crame na kakaunti pa lamang.

Umaga ng Linggo (Feb. 23), ipinarating ni Col. Javier ang order kay Lim mula kay Phil. Army Commander Josephus Ramas. Ang order: “Clear EDSA at once!”

Minabuti ni Lim na ipinagbilin sa kanyang mga tauhan na sakaling may mga tatawag ay huwag nilang sasabihin kung nasaan siya.

Bandang katanghalian ay nagtungo si Lim sa EDSA at kung ginusto niya, madali pang buwagin ang bilang ng mga nagtitipon na umaabot pa lamang sa may 5,000.

Lahat ng klase ng panlalansi ay ginawa niya upang iwasan ang sunud-sunod na tawag mula sa matataas na opisyal ng AFP at ng Malakanyang na humahanap sa kanya, na hindi maiiwasang magtataka kung bakit sa kabila ng order ay patuloy pa rin ang mga nagtitipon sa harap ng Camp Aguinaldo at Camp Crame.

Pero ilang saglit pa ay parang hukbo ng mga langgam na dumagsa ang tao sa EDSA matapos marinig ang panawagan ni Jaime Cardinal Sin sa Radio Veritas para protektahan ang grupo nina FVR at dating Defense Minister Juan Ponce Enrile sa ginawang pagkalas kay yumaong Pang. Ferdinand Marcos.

Araw ng Lunes (Feb. 24), habang nasa kanyang tanggapan sa Sikatuna, tumanggap si Lim ng tawag mula kay Col. Mitch Templo upang iparating ang mensahe ni FVR sa kanya na payagang magkampo sa labas ng kanyang tanggapan sakaling dumating ang reinforcement ng mga rebeldeng sundalo na manggagaling sa Lipa Air Base.

Kasabay nito, sumabog na ang balita na nalathala pa sa pahayagang Tempo ang pagsama ni Lim sa puwersa ng mga rebeldeng sundalo.

Sumunod na araw (Martes), bandang alas-2:40 ng hapon, tinipon ni Lim ang lahat ng kanyang opisyal sa NPD para ipagtapat ang kanyang susunod na hakbang.

Ipinaalam ni Lim sa kanyang mga nasasakupang opisyal nakatakda niyang pagtungo sa Camp Crame sa araw na iyon upang iprisinta ang kanyang sarili kay FVR at lumantad sa panig ng mga rebelde at ng mamamayan.

Pinalalahanan muna niya ang mga opisyal na magpapasiyang sumama sa kanya ay kasamang itataya nila pati ang kapalaran at kinabukasan ng kanilang pamilya.

Sa 40 opisyal na nagpahayag ng suporta kay Lim, 2 lamang kumontra.

Ganap na alas-6:00 ng hapon, si Lim at ang mga opisyal na kasama niya ay nagtungo sa Camp Crame at humarap kay FVR.

Ang lahat ay nagulat at napatingin kay Lim nang marinig ang pasasalamat ni FVR sa kanya dahil ni isa ay walang nakaalam tungkol sa naging pag-uusap nila ng dating pangulo.

Bilang paggunita sa EDSA, ngayong umaga ay pangungunahan ni Pang Noynoy Aquino ang unveiling at pagpapasinaya sa bantayog ni Cardinal Sin sa tabi ng mga monumento ng kanyang mga yumaong magulang na pawang si Manila Mayor Alfredo Lim ang nagpatayo para magsilbing alaala sa atin at sa mga susunod pang henerasyon o saling-lahi.

Ang pagbabalik ng mga mandurugas sa Customs

BALIK na naman ang masasayang araw ng mga walang kabusugan na nagtamasa at nakinabang sa dating administrasyon ni “REGLA” (as in Rep. Gloria Arroyo).

Hindi malayo na isang araw ay magising tayo na kontrolado na naman ni Regla o ng kanyang matatapat na tauhan ang gobyerno.

Sa Bureau of Customs na lang, kung sino pa ‘yung may mga “pending case” at kinakaharap na asunto sa Office of the Ombudsman ay sila pa ang unang naitatalaga sa puwesto, imbes na ‘yung mga lumaban sa rehimen ni Regla at tumulong kay P-Noy nu’ng 2010 presidential elections ang mauna.

Kabaligtaran ang nangyayari kung kaya’t marami na ang dismayado. Kung sino pa nga naman ‘yung mga walang atraso ay hindi sila ang naitatalaga sa puwesto.

Aray ko po!

MELITA ORBOS-DEL ROSARIO TULOY ANG LIGAYA SA BOC

HALIMBAWA, itong isang humahawak ng ‘juicy post’ sa Customs kahit siya ay may kinakaharap na kasong kriminal at administratibo sa Ombudsman, siya ay naitalaga pa na hepe ng Value Classification Division.

Ang tinutukoy natin ay si Melita Orbos-Del Rosario, isang supervising officer sa Customs na nasampahan ng kasong paglabag sa Republic Act 6713 dahil sa umano’y pagtatago ng hindi maipaliwanag na yaman.

Kasong “dishonesty” at “falsification of public documents” ang isinampa kay Del Rosario dahil sa hindi pagkakadeklara ng kanyang ‘business interest’ sa isinumite niyang Statement of Assets Liabilities (SALN).

Una na siyang sinuspinde ng Ombudsman noong 2005 ng paglabag sa Anti-Graft and Corrupt Practices Act na isinampa laban sa kanya at pitong iba pa niyang kasamahang opisyal sa Customs.

Ayon ka Ferdinand San Joaquin, graft investigation and prosecution officer II ng Revenue Integrity Protection Service (RIPS) sa Department of Finance, hindi inilagay ni Del Rosario ang kanyang “shares of stocks” sa kanyang SALN.

Nag-ugat ang kaso sa pamemeke ng lagda o pirma ng isang Fe Balo na hindi naman pumapasok sa trabaho pero nagawang makubra ang mga suweldo ng ibang tao.

Dahil diyan, nabunyag sa rekord na magkaiba ang pirma ni Balo sa kanyang employment records.

“Her position to conduct business and other transactions other than her assigned function is prohibited under the government labor code,” ayon sa Ombudsman.

Sa ngayon, hawak ni Del Rosario ang item na Supervising Customs Operations Officer na may salary grade 22 at may annual income na P242,000.

Si Del Rosario ay 26-taon na serbisyo at nagsimula bilang Economic and Customs Analyst.

Ang ipinagtataka ng madla dito kay Commissioner Lito Alvarez ay kung bakit puwede naman silang magtalaga ng mga walang kaso para humawak ng mga sensitibong posisyon ay ‘yun pang mga tadtad ng asunto ang gusto at napipili nila ng kanyang amo na si Sec. Cesar Purisima ng Department of Finance (DOF)?

Sabi nga, “happy days are here again!”

Tama ba, Enforcement and Security Service (ESS) Dir. Nestorio ‘Guwaping’ Gualberto at retarded, este, retired Col. Wally Sombero?

ANG PUNYETANG DEMOLITION JOB VS. LTO CHIEF VIRGINIA TORRES

SIGURADONG limpak-limpak na salapi ang pinakakawalan ngayon ng isang pusakal na kontratistang nasa likod ng ‘demolition job’ para siraan sa media si Department of Transportation and Communications (DOTC) Asst. Sec. Virgina Torres, ang hepe ng Land Transportation Office (LTO).

Ang hindot na kontratistang tinutukoy natin ay kabilang sa mga alagang “crony” na pinamihasa ng nakaraang rehimen ni Regla sa kawalanghiyaan.

Sabit pa ang kupal na ito sa pangongolekta ng pera sa hindi naipatupad na ‘highly anomalous project’ ng LTO noong panahon ni Regla.

Expired na SRA ng POEA at ang LSWF

ILANG taon na ang nakararaan ay naglabas ng maanomalyang “special recruitment authority” (SRA) ang Philippine Overseas Employment Administration (POEA) na iginawad nito sa Luneta Seafarer Welfare Foundation (LSWF), isang kuwestiyonableng organisasyon na itinatag para daw sa kapakanan (kuno) ng mga marinong Pinoy seaman.

Ang SRA na ipinagkaloob sa LSFW ay pirmado pa ni Department of Labor and Employment (DOLE) Sec. Rosalinda Baldoz na noon ay administrator ni GMA sa POEA.

Ito ang “lisensiya” na ginamit ng LSWF sa kanilang operation upang makapagtayo ng gusali at mga negosyong malakas pagkakitaan sa kalye T.M. Kalaw, malapit sa kanto ng M. Orosa St., Ermita, Manila.

Multi-milyones na negosyo

ANG SRA, na may bisa lamang na 5-taon, ay matagal nang “expired” o paso, subali’t hanggang ngayon ay patuloy pang kumikita ng limpak-limpak ang LSWF mula sa mga “recruitment counter/booth” na kanilang pinauupahan.

Hindi bababa sa 50 manning agencies ang umuupa ng puwesto sa LSWF at bawa’t isa ay nagbabayad ng halagang P15,000.00 na kanilang singil kada buwan.

Kung susumahin, sa 50 puwesto pa lamang, ay tumataginting na P750,000,00 ang naibubulsa ng LSWF. Sa loob ng isang taon, aabot sa halagang P9-M.

Sa 5-taon, umaabot sa halagang P45-M ang kinita ng LSWF mula pa lamang ‘yan sa renta ng mga recruitment counter/booth na inuupahan ng manning agencies.

Walang kamalay-malay ang mga aplikanteng seaman na sila ay ginamit ng LSWF upang makakuha ng kuwestiyonableng SRA sa POEA.

Pinalitaw ng LSWF na ang gusaling ipinatayo nila ay gagamitin ng libre para magsilbing silungan ng mga aplikanteng seaman, imbes na pakalat-kalat at nakabilad sa init ng araw sa kahabaan ng T.M. Kalaw.

Panloloko lang pala ito dahil ang nasabing gusali ay tulad sa hotel na pinauupahan ng LSWF sa mga aplikanteng seaman na nanggagaling sa malalayong probinsiya para maghanap ng masasakyang barko.

Bawa’t aplikante na manunulyan sa ipinatayong gusali ng LSWF para matulog ay sinisingil ng halagang P800 bilang bayad o upa.

Si Don bagatsing na “bata” ni Atienza

ANG mga negosyo ng LSWF ay naitayo sa basbas ni dating DENR Sec. Jose ‘Lito’ Atienza, Jr. noong kanyang huling termino bilang alkalde ng Maynila.

Ang LSWF ay itinatag ni Don Bagatsing na kilalang malapit at kaalyado ng pamilya ni Atienza sa politika.

Si Bagatsing ay ilang taon humawak ng titulo bilang “Deputy Mayor” ni Atienza sa City Hall.

Noong 2007, tumakbo si Don Bagatsing subali’t natalong kandidato bilang vice mayoralty candidate ng anak ni Atienza na si Ali.

Kasong bigamy sa customs exec?

KUNGDIMAN sa mga kasong nakasampa sa tanggapan ng Ombudsman laban sa kanya sumabit ang itong isang mataas na opisyal ng Bureau of Customs (BOC) ay siguradong sa kulungan din siya pupulutin.

Base sa kopya ng Cenomar mula sa tanggapan ng Office of the Civil Registrar General ng National Satatistics Office (NSO), isang mataas na opisyal ng Customs ang narehistrong nagpakasal ng 2 beses sa magkahiwalay na pagkakataon at sa magkaibang babae na kanyang pinakasalan.

Ang nasabing opisyal ay kasalukuyan pang may mga kaso ng unexplained wealth na kanyang kinakaharap sa Ombudsman matapos siyang isalang at lumagpak sa lifestyle check ng Revenue Integrity Protection Service (RIPS) noong nakaraang taon.

Siya ay “bata” ng isang mambabatas sa Metro Manila na nagrekomenda sa kanya kung kaya’t siya ay napasok at nabigyan ng puwesto sa Customs noong panahon ng dating administrasyon ni GMA.

Baka naman nabiyudo siya sa kanyang unang pinakasalan noong 1965 kaya muli siyang ikinasal sa ibang babae noong 1998?

Abangan!

Sec. Romulo, POEA at OWWA puro inutil

TAYONG mga Pinoy na yata ang pinakamalas na mamamayan na isinilang para gampanan ang papel ng mga parurusahan at mamamatay sa mundo.

Kahit saan tayo magpunta, kundiman inaabuso ay lagi na lang tayong talo at agrabyado.

Palibhasa, ang 3 kababayan natin sa China na nakatakdang bitayin ay hindi congressman at ang apelyido ay nagmula sa angkan ng mga maimpluwensiyang tao dito sa atin kaya ang pagbitay sa kanila ay nakatadhana na.

Ang kanilang kaso ay hindi tinutukan ng media at ng gobyerno dahil hindi sila masalapi at maimpluwensiyang tulad ni Rep. Ronald Singson na konting utot ay nakabalita na.

Kung kelan huli na ang lahat at nakatakda silang bitayin ay saka lamang nag-uunahan ngayon ang mga gustong umepal gayong imposible na silang maisalba.

Marami pang Pinoy sa iba’t ibang bansa ang nakasalang sa bitayan na walang pumapansin at magiging interesado lamang ang lahat sa kanilang kaso kapag malapit na ang petsa ng kanilang kamatayan.

Hindi natin masisisi ang mga bansa na ginagawang example sa pagbitay ang mga Pinoy dahil alam nila na pareho lang naman ang kapalaran ng mga ito sa sarili nilang bayan sa Pinas.

Nagkataon nga lang na du’n sa ibang bansa sila nahuli.

* * *

NOONG isang buwan pa balitang sisipain sa kanyang puwesto si Department of Foreign Affairs (DFA) Sec. Alberto Romulo, bago pa man naitakda ang pagbitay sa 3 kababayan natin sa China.

Sana, ang masasama at walang kuwentang patakaran sa pamumuno ni Romulo ay bitbit na rin niya sa kanyang nalalapit na paglayas sa DFA.

Isa sa pinaka-masamang patakaran na pinairal sa panahon ni Romulo ay itikom ang kanilang bunganga at ilihim ang kaso ng mga Pinoy na bibitayin sa ibang bansa.

Matatandaan na ni ha, ni ho ay wala man lamang ibinigay na update si Romulo at ang DFA tungkol sa kaso ni Dondon Lanuza, isang OFW na nakapatay sa kanyang employer at nahatulan ng parusang bitay sa Kingdom of Saudi Arabia.

Ang kasong ito ay inilathala natin sa ating kolum noong Oct. 2009 subali’t kahit katiting ay walang itinugon ang DFA upang ipaalam sa atin kung ano ang ginagawa ng pamahalaan sa kaso ni Lanuza.

Mahigpit daw ang DFA sa pagpapalabas ng anumang impormasyon sa kaso ng mga bibitayin.

BI coddler ng mga pugante

SABI ni Bureau of Immigration (BI) OIC-Commissioner Ronaldo Ledesma, wala raw silang natatanggap na request mula sa Japanese Embassy para arestuhin at ipa-deport si Minako Komukai, ang Haponesang stripper-actress na nagtatago ngayon sa Pinas.

Kailangan pa ba ang official request ng Embassy kahit alam nila na ang isang dayuhan ay wanted sa kanilang bansa? He, he, he!

Si Komukai ay wanted sa bisa ng warrant of arrest na ipinalabas ng husgado sa Japan at una nang nahatulan ng parusang pagkabilanggo sa kasong paggamit ng ilegal na droga.

Ayon sa mga impormante natin, itinatago si Komukai ng isang grupo ng mga ‘Yakuza’ na naka-base sa bansa.

Ang mga Yakuza na nagkakanlong kay Komukai ay kapwa niya rin wanted at sangkot sa iba’t ibang criminal activities, tulad ng “protection racket” sa mga Japanese establishment dito sa bansa.

Mga gago!

Smuggling ni alyas Boy Valenzuela

Isang mapagkakatiwalaang source natin ang nagbigay ng impormasyon na nagiging talamak na ang SMUGGLING activities ng isang alyas BOY VALENZUELA sa Port of Batangas.

Ayon sa ating ompormante, ang mga kontrabando ni Valenzuela ay nangggaling sa PoM at MICP ay transhipment papuntang Port of Batangas pero hindi na ito nakararating doon.

Illegal diversion ang tawag dito. Ipinagyayabang pa ni Boy Valenzuela na ‘timbrado’sa ilang tiwaling Customs Officials ang kanyang modus-operandi.

Customs Comm. Lito Alvarez, magandang TIP po itong ibinibigay ko sa inyo.

Kalusin na ninyo si Smuggler Boy Valenzuela!

Yumaong Sec. Reyes, hindi bayani

SSJ – “Action speaks louder than words. It only shows, Idol Percy, that those bunch of evil liars are really guilty. I hope they make Angelo Reyes as a role model.”

* * *

CP – “May konsensiya pa rin siya kaya niya ‘di nakayanan dalhin ang problema. Sana binulgar muna niya kung ang mga katiwalian na ito ay may blessings ni Gloria, baka hangaan pa siya ng mga tao sa pagpapakamatay niya.”

Puganteng ‘Porno Queen’ na wanted sa Japan, sa ‘Pinas nagtatago; Hawak daw ng ‘Yakuza’, BI exec

KUMPIRMADONG dito sa bansa nagtatago ang puganteng Haponesa na si Minako Komukai, isang kilalang “stripper-actress” sa Japan.

Si Komukai, 25 anyos, ay pinaniniwalaang hawak ng isang grupo ng mga kinatatakutang “Yakuza” na naka-base sa bansa, kasabwat ang ilang tiwaling opisyal at tauhan ng Bureau of Immigration (BI), Philippine National Police (PNP) at National Bureau of Investigation (NBI).

Ang actress ay wanted sa Japan at unang nahatulan ng hukuman sa kasong illegal possession at paggamit ng ipinagbabawal na “shabu” noong Feb. 2009.

Bagama’t ang hatol na pagkabilanggo laban sa kanya ay suspendido, si Komukai ay muling ipinag-utos na arestuhin matapos lumabas ang kanyang pangalan sa listahan ng mga regular customer na bumibili ng droga sa sindikato ng mga Hapones at dayuhang Iranian sa Japan na nadakip ng Metropolitan Tokyo Police, ilang linggo ang nakararaan.

Base sa official record ng BI, si Komukai ay nakapasok sa bansa noong January 21 sakay ng Delta Airlines mula sa Tokyo.

Noong Feb. 8, sa tulong ng mga tiwaling opisyal at tauhan ng BI at ng isang travel agency, nagawang makakuha ni Komukai ng “extension” upang makapamalagi sa bansa na tatagal hanggang March 21.

Ayon sa mga impormante natin, si Komukai ay itinatago ng mga miyembro ng Japanese Yakuza sa bansa na kumakanlong sa kanya at posibleng konektado rin sa sindikatong nadakip sa isinagawang raid ng Metropolitan Tokyo Police, kamakailan.

Maliwanag na may mga hindoropot na tumulong kay Komukai upang siya ay makakuha pa ng extension sa BI, imbes na siya ay arestuhin at ipatapon pabalik sa Japan.

Ayon sa ating impormante, si Komukai ay huling nakita sa Makati sakay ng isang taxi. (Kasalukuyan na nating inaalam ang detalye tungkol diyan.)

Kunsabagay, hindi nga kataka-taka na pati mga terorista at drug trafficker ay malayang naglalabas-pasok ditto sa bansa.

Kaya naman ilang beses nang nanguna at naging Number 1 pa ang Pilipinas sa listahan ng mga bansa sa mundo na talamak ang human trafficking at human smuggling. (Kahit itanong pa ni P-Noy kay Immigration OIC-Commissioner Ronaldo Ledesma!)

Sinu-sino nga ba sa BI ang protektor na tumutulong kay Komukai at sa sindikato ng mga Yakuza dito sa bansa?

Abangan!

***

NASAAN ANG BARIL, CELLPHONE NI SEC. REYES

TEOFILO SANTIAGO – “In the absence of forensic report the suicide case of Mr. Angie Reyes is not officially closed. Because others are implicated foul play cannot be ruled out. Watch out for those elements who want to discontinue the Senate hearing. They must be restless.”

***

SSJ – “Action speaks louder than words. It only shows, Idol Percy, that those bunch of evil liars are really guilty. I hope they make Angelo Reyes as a role model.”

***

CP – “May konsensiya pa rin siya kaya niya ‘di nakayanan dalhin ang problema. Sana binulgar muna niya kung ang mga katiwalian na ito ay may blessings ni Gloria, baka hangaan pa siya ng mga tao sa pagpapakamatay niya.”

***

JC – “Ang masasabi ko lang, kung wala siya talgang kasalanan e, dapat pinaglaban talaga niya, hindi ‘yung kinitil niya ang sarili niyang buhay. So, tao nal ang ang makahuhusga kung ano ba tlga ang totoo. At sana nag-iwan si Sec. Angelo Reyes ng note na nagsasabi kung ano nga ba ang katotohanan. Condolence po, para sa family ni Sec. A.R.”

***

ML – “Ayan na, may nakonsensiya na, may nag-harakiri sa baril! ‘Yung susunod naman diyan, babangungutin dahil hinihila sila ni Sec..Angie Reyes para sumama sa kanya. Siguradong hinde papayag ‘yun kung siya lang ang aako. Kaya kayong nasa loob na mga mandurugas, humanda na kayo!”

***

RS – “Hindi niya kayang harapin ang katotohanan kasi siguro totoo. Kung wala kang kasalanan, you have to stand and fight for it no matter what the consequences is. There is always a God that sees everything. Ngayon nagpakamatay siya, saan kaya siya pupulutin?

***

KM – “Tandaan lang natin, mas maraming namatay na sundalo dahil sa corruption ng mga official na ‘yan!”

Mga naipuwesto ni Pichay sa Customs dapat silipin, sipain

ANO ang palagay niya sa akin, small time?

‘Yan daw ang buong pagmamayabang na sambit ni dating Surigao Rep. Prospero ‘Butch’ Arreza Pichay kasunod ng pagbubulgar ni retired Col. George Rabusa sa imbestigasyon ng Senado na tatlong beses siyang tumanggap ng halagang tig-P500,000 sa magkakahiwalay na pagkakataon mula sa pondo ng Armed Forces of the Philippines (AFP).

Sa sinabi niyang ‘yan ay lalo nga siyang dapat imbestigahan hindi lamang ng Senado at Kamara kundi pati na ng tanggapan ni Commissioner Kim Henares ng Bureau of Internal Revenue (BIR). Si Pichay ay kabilang sa mapapalad na nagtamasa ng todo sa panahon ni GMA.

Katunayan, nanguna siya sa may pinakamalaking winaldas na pondo sa kampanya bilang isa sa mga pambatong kandidato ni GMA para senador na natalo noong 2007 elections.

Sabi nga ni retired Commodore Rex Robles sa isang radio interview na narinig natin kasunod ng pagkamatay ni former Sec. Angelo Reyes, dapat daw laliman pa ng Senado ang imbestigasyon kay Pichay tungkol sa ibinulgar na pagtanggap nito ng halagang P1.5-M mula sa pondo ng mga sundalo.

Mga “bata” ni Pichay silipin din ng BIR sa “unexplained” wealth

KABILANG sa mga dapat silipin ng BIR ang mga magnanakaw na opisyal at empleyado na inirekomenda ni Pichay sa matataba at nagmamantikang puwesto ng Bureau of Customs (BOC).

Panahon na para sibakin ang kanyang mga kampon sa Customs na hanggang ngayon ay naka-puwesto pa upang hindi na makapagnakaw pa. (Kahit itanong n’yo pa kay Ms. Aimee Cruz, ang maganda at kaakit-akit na reviewer sa tanggapan ni Deputy Commissioner Horacio ‘Toto’ Suansing, Jr.!)

Si Pichay ay sinasabing malapit na kaibigan din ng isang “Harigold”, ang umano’y No.1 smuggler sa Port of Cebu na kasosyo ng ilang tiwaling opisyal sa Customs at NBI na sangkot sa smuggling. (Hindi ba, Ms. Cruz?)

Abangan kung sinu-sino sila!

Dating “crony” nina Jimenez, Delos Angeles

MATATANDAAN na noong congressman pa si Pichay, siya ay malapit na “crony” o kabarkada din ng ilang kilalang “character” at may mga kaso pero masalaping personalidad na tulad nina dating Rep. Mark Jimenez (aka Mario Crespo) at Celso delos Angeles.

Si Pichay ang handler na sumundo kay Jimenez hanggang sa makalabas ito mula sa kulungan sa Estados Unidos ng America at bumalik sa bansa para magdiin kay Erap.

Ang hindi lang natin alam ay kung nasaan na si Jimenez na sinasabing ipinasok umano sa isang rehab o institution.

Bago naman nabilanggo si Delos Angeles sa kasong panggagantso gamit ang kompanyang Legacy, sa kanya isinalya ng malaking halaga ni Pichay ang isang tabloid na dati nitong pag-aari.

Kaya dapat lang silipin din ang salaping ipinambayad ni Delos Angeles kay Pichay sa ibinentang peryodiko na ang salapi ay galing sa hinuthot ng kompanyang Legacy sa publiko.

Ano’ng sey kaya ni former Vice President Noli de Castro?

Reaksiyon sa pagkamatay ni former Sec. Angelo Reyes

CG – “A deep sense of pity and sympathy to all the bereaved. I do not understand where some have made conclusions that suicide is cowardice. If indeed ATR had chosen to go that way, I can only surmise that it wasn’t fear for himself but for any imminent danger that inevitably will come the way of his loved ones — a wish that all cases of unjust enrichment within the military and all functions of government be unearthed.— a prayer that all men, tayong lahat, realize that we all have inherent human weaknesses and are not free of sin, that in one way or another, we would all have encountered a situation where we, innocently, unknowingly or quite consciously, enjoyed favor over another unjustly — that we all be aware of corruption in all forms, from bringing home even just one small piece of paper clip or pen or anything that isn’t ours but belonging to either our work place, the government or any private institution, to a sin of bigger magnitude, and that we resolve to amend, correct and pay the price for any injustice by commision or omission that we have done, known or not by the aggrieved and the public.”

Extortion sa Boracay; ‘Sakla’ pinagmitingan ng barangay Captains sa City Hall ng Pasay

MINITING daw kamakailan ng City Hall officials ang mga Barangay Captain na kumokontra sa “bangka” ng mga nakalatag na mesa ng ilegal na “sakla” sa Pasay City. Kaya raw sila ipinatawag ay para alamin ng City Hall officials kung ano ang kanilang mga “kahilingan” ng mga umaalma laban sa mga “puesto pijo” ng saklaan sa lungsod.

Matapos ang nasabing miting, bakas na bakas daw ng impormante natin ang matatamis na ngiti sa pagmumukha ng mga ipinatawag na Kapitan ng barangay. Magkano, este, bakit kaya?

Abangan kung sino-sino ang mga dumalo sa nasabing miting!

* * *

KINOKONDENA ng mga tourist photographer na nakabase sa Maynila ang pangongotong umano sa kanila ng ilang “tourist police” at ng “office of the mayor” sa Boracay, Kalibo, Aklan.

Ayon kay Wilson Tetolo, 42, tourist photographer ng isang kilalang travel agency sa Maynila, tuwing siya at ang mga kasamahang tourist photographer ay nagtutungo sa mga beach resort ng Boracay kasama ang kanilang mga Korean tourists ay hinuhuli sila ng mga tiwaling tourist police.

Kinukompiska umano ang kanilang mga dalang kamera at pilit daw silang pinagbabayad ng permit na nagkakahalaga ng P2,500 sa tanggapan ni Kalibo Mayor John Yap.

Si Tetolo ay official photographer ng isang travel agency na kasamang bumibiyahe upang kumuha ng retrato na mga dayuhang turista na namamasyal sa magagandang beach ng Boracay.

Ayon sa kanya, may mga sarili raw kasing photographer na alaga ang isang opisyal ng Pulis para kumuha at magbenta ng retrato sa mga turista.

Ang kita umano ng local photographers sa pagkuha ng retrato ay napupunta sa nasabing police official kung kaya’t ipinag-uutos sa kanyang mga tauhan ang paghuli sa mga retratistang nakabase sa Maynila na kasama ng mga turistang dumarayo sa Boracay para mamasyal.

Reklamo nila, malaki ang kanilang ginagastos sa pamasahe sa eroplano at hotel room sa pagtungo sa Boracay beach kasama ng mga sineserbisyuhao nilang turista na hindi nila nababawi dahil sa panghaharas sa kanila.

Kuwento pa ni Tetolo, noong minsan na nagreklamo siya hinggil sa ginagawang paghuli sa kanya ay ipinakulong pa umano siya ng naturang police official at pinakawalan lamang matapos siyang maghatag ng halagang P5,000 na hiningi sa kanya.

Sinabi pa umano sa kanya ng opisyal na ang panghuhuli sa kanila ay utos umano na nangga-ling sa tanggapan ng alkalde.

Ayon pa umano sa opisyal, mahigpit ang tagubilin mula sa tanggapan ng alkalde na kailangang kumuha muna sila ng permit bago payagang kumuha ng retrato katumbas ng halagang P2,500 bilang bayad.

Pero may nakapagsabi umano na ito ay pakana lamang ng nasabing police official sa Boracay.

Kung meron umanong dapat hulihin ay ‘yung mga ilegal at ‘di lisensiyadong “Korean Tour Guide” na naglipana sa Boracay, hindi sila na naghahanapbuhay nang matino at nakatutulong pa para mapalakas ang turismo.

Nanawagan ang grupo ng tourist photographers sa mga local na opisyal at kay PNP Chief Raul Bacalzo para imbestigahan ang mga opisyal ng PNP sa Boracay na sangkot sa pangongotong.

Kung magpapatuloy pa raw na pagbabawalan silang kunan ng retrato ang mga kasamang nilang turista na dumarayo sa Boracay ay hihingin na sila ng tulong sa mga abogado upang magsampa ng mga kaso laban sa mga nasa likod ng malaking katarantaduhang nangyayari.

Bakit, may ordinansa ang Kalibo na bawal ang mga photographer na dumarayo sa Boracay para kumuha ng retrato?

Si Sec. De Lima at ang sentido-kumon

IGINIGIIT pa rin nitong si Department of Justice (DOJ) Sec. Leila de Lima na ‘outstanding’ pa raw ang “mandamiyento de aresto” laban kay Sen. Panfilo ‘Ping’ Lacson kahit pa sinabi ng Court of Appeals (CA) sa kanilang desisyon kamakailan na walang “probable cause” para idiin ang senador sa Dacer-Corbito double murder case.

Naturingan pa namang nag-aral ng batas at humahawak ng pinaka-mataas na puwesto sa DOJ itong si De Lima pero ang interpretasyon ng batas ay ginagawa niyang mangmang.

Ano pa ang bisa ng “warrant of arrest” na ipinangangalandakan nitong si De Lima kung wala namang kaso si Lacson, base na rin sa desisyon ng CA? ‘Di ba malaking kagaguhan na ipapaaresto ang isang tao na wala namang kaso?

Walang ibang dahilan kung bakit pinupuntirya ni De Lima si Sen. Lacson maliban sa pagbabayad ng utang na loob sa “mag-asawa” na dati niyang mga amo sa Malakanyang na hanggang ngayon ay kanyang pinaglilingkuran.

‘Yan naman ay kung may “common sense” nga si De Lima!

CIIS PURO ‘ALERT’ SA POM

INIREREKLAMO ng mga broker at importer ang isang opisyal ng Bureau of Customs (BOC) sa Port of Manila (POM).

Mula raw nang mapuwesto sa Customs Intelligence and Investigation Service (CIIS) ilang buwan ang nakararaan ay wala na siyang ginawa kundi isailalim sa “alert” ang mga kargamento sa POM.

Kaya lang, ayon sa mga impormante natin, kahit isa pala ay wala naman silang nakitang baluktot sa mga pinabuksan nilang kargamento.

Maliwanag na pamemerhuwisyo lang sa mga broker at importer ang ginagawa ng mga damuhong ito para maghatag ng ‘tara’ o ‘tong’ sa kanila kaya inaabala.

Tama ba, Kagulang-gulang, este, kagalang-galang na Marissa?

‘DI PAGBUWAG SA POEA, OWWA BATAY SA MIGRANT WORKERS ACT OF 1995 (RA 8042) MALAKING PANLOLOKO SA MGA OFW

ED BERNARDINO (OFW) – “Napakalaking issue ang natisod ninyo Ka Percy. Talaga naman na ang isang administrasyong naitatag sa pagkukunwari ay puro pagkukunwari ang ginawa hanggang sa katapusan. Niloko ang sambayanan sa loob ng napakahabang panahon. Kinawawa ang mga migrant workers na mga bayani kuno. Sana ilabas ninyo sa inyong column ang listahan ng mga taong involved dito; mga deputado, mga senador, ang mga abogadong nagbigay ng legal opinon sa executive department. Anong nangyari sa mga investigative reporters, bakit na missed nila ito? Mabuti na lang at may Lapid Fire. Mga adviser ni P-Noy, nakikinig ba kayo o ayon nga kay Atty. Paguia ay maaring sinusundan lang ninyo ang yapak ng mga dating tauhan ni Gloria? Kawawa naman talaga ang bayan, hinalay hindi lang apat o sampung katao, kundi ng buong institusyon!”

***

PETE CANZON (Musician) - “’Langya din naman ‘tong mga nakaupong mambabatas na mga ito, at siyempre si Gloria at mga kasama nito. Napakadumi na ng gobyernong ito, kasi sila pa din halos ang nandiyan kahit wala sa pwesto. Kung kinanakailangan mag-protesta at lumabas, sama ‘ko. Mabuhay kayo, Percy at Atty. Alan Paguia!”

***

AHJIE AMOR (USA) – “kailan kaya magkakaron at ipapakita ni pinoy ang kanya mga ngipin Kuya Percy? Malaki pa naman ang tiwala ko sa kanya. kahit ‘di mabago ang lahat basta kahit konti lang sana ang mabago sa lipunan natin. Paano rin kaya magkakaisa mga Pilipino?”

***

JERICHO CRUZ – “Nakatisod po kayo ng napakalaking isda, binigay ni Lord ang talino n’yo para maayos ang ating bansa. Mga tiwaling mambabatas, puro pahirap sa bansa, lagi na lang ginagamit ang mga mahihirap. Sana magising sa katotohanan ang mga tarantadong pulitiko na pahirap sa bayan. Pano po kaya malilitis ang OWWA at POEA? Mabuhay po kayo, kasma na po sina Lolipop, Jograd at si Sir Alan Paguia!”

***

LOUISE DE GUIA (Japan) – “Kaya walang kaunlaran ‘yang bansa natin, umiikot lang ‘yung mga tao diyan sa Senado at sa kongreso sa mga kanya-kanyang diskarte kung paano sila yumaman lalo. At ‘yung mahihirap ay manatiling poor na namamatay na dahil wala nang makain. Ganoon ang nangyayari sa bansa natin, walang pagbabago. Pero nabuhayan kami nang pag-asa, kasi andiyan kayo para sabihin ang totoo. Mabuhay po kayo Mr. Percy Lapid and more power to your program, ‘LAPID FIRE’!”

POEA at OWWA walang mandate

DALAWANG ulit nilabag ng Senado at Kamara ang Konstitusyon nang kanilang amyendahan ang Migrant Workers and Overseas Filipinos Act of 1995.

Ito ang pahayag ng batikang abogado na si Atty. Alan Paguia sa panayam natin sa kanya kamakailan at ayon sa kanya ay ginamit ng mga mambabatas ang kanilang “legislative power” na amyendahan ang Republic Act 8042 upang lokohin ang sambayanan.

Sinabi ni Paguia na labag sa Saligang Batas ang pagkakagamit ng Senado at Kongreso sa kanilang “amendatory power” upang pagtakpan ang malaking krimen ni GMA laban sa mga OFW at mamamayan na nagluklok sa kanila sa pwesto.

Taong 2000 pa dapat, ang Philippine Overseas Employment Administration at ang Overseas Workers Welfare Administration (OWWA) ay wala nang “mandate” na magpatuloy bilang mga ahensiya ng pamahalaan sa ilalim ng Department of Labor and Employment (DOLE).

Amendments sa RA 8042 uncosntitutional

Ang “abolition” o “pagbuwag” sa POEA at OWWA ay itinakda sa Sec. 39 at Sec. 40, limang-taon matapos maging ganap na batas ang RA 8042 noong 1995.

Ayon sa batas, ang DOLE, sa loob ng isang-taon ay dapat makabuo ng ipatutupad na tuntunin sa abolition o pagbuwag ng dalawang nabanggit na ahensiya.

Pero sa kabila nito, ilegal na ipinagpatuloy ng POEA at OWWA ang kanilang “regulatory function” at ang pangingikil ng salapi mula sa mga OFW, sa loob ng 7-taon, nang wala silang “mandate,” hangang makipagsabwatan kay GMA ang Senado at Kamara upang amyendahan ang RA 8042.

Taong 2007 unang “dinoktor” at sinalaula ng mga mambabatas na kasapakat ni GMA ang Migrant Workers and Overseas Filipinos Act of 1995 na lumikha sa RA 9422.

Hindi pa sila nasiyahan kaya noong March 2010, ang batas ay muling binaboy, este, binago at ngayon ay RA 10022 naman ang tawag.

Pangingikil ng POEA at OWWA sa mga OFW

IBIG sabihin, sa loob ng 7-taon (2000-2007) ay ilegal na nangikil ng salapi ang POEA at OWWA mula sa dugo at luha ng mga kababayan nating OFW na umaalis ng bansa.

Kada OFW ay kailangang sumuka ng halagang hindi bababa sa P8,855 para sa POEA processing fee: P200; OWWA contribution: P1,275.00; Medicare: P900.00; at OWWA insurance na $144.00 na depende sa umiiral na halaga ng palitan sa piso.

Ayon mismo sa website ng POEA, umaabot daw mula sa 3,000 hanggang 4,000 ang umaalis na OFW araw-araw.

Ang tanong: Sa loob ng 7-taon pa lamang na kuwentahan, magkano ang nakolekta nila? At sino-sino ang kumita at naghati-hati sa kinita ng POEA at OWWA?

Santisima!

* * *

JOHN FLORES – “Salamat Sir Percy sa maliwanag na ibinulgar mo patungkol sa tahasang katiwalian ng Gobyerno laban sa mga mamamayan nito! Ipagpatuloy mo lang sana na matutukan ito para lalong uminit at kung kailangan ay manawagan sa mga former and present OFW na kalampagin ang POEA at tanungin. Ano pa nga ba ang ginagawa nila sa opisinang hindi naman umiiral? Maraming salamat at sana ay humaba pa uli ang iyong time-slot sa radio!”

* * *

JAY – “Congrats! Napahanga mo ako, akala ko noon puro kalaban lang nina Mayor Lim at P-Noy ang tinitira mo, ‘di pala. Nu’ng natuklasan mo ‘yung batas, which is MIGRANT WORKERS ACT OF 1995 (RA 8042), ikaw lang ang nakadiskubre niyan. But the thing is, sino magpapanagot sa kanila? ‘Di ko na pahahabahin, sasama ako kung sakaling maglulunsad ka na ng protesta. God bless and more power to your program! I am Jhay from Pampanga, a law student.”

* * *

ROMEO CUA – “Natumbok mo ang Republic Act #8042 - Migrant Workers & Overseas Filipinos Act 0f 1995. Mabuhay ka!”

* * *

LINDA VALDEZ (OFW) – “Maraming sabit dito, Sir Percy. Just asking, Senator si P-Noy those times, ibig sabihin ‘di n’ya nalaman yun? Kagaya naming mga OFWs na ngayon lang namin nalaman yan! Thanks sa ‘yo Ka Percy, susundan namin yang issue na yan”

“Ganid ba ako?”

MATAPOS idiin sa salaping “pabaon” at sandamukal na pondong umano’y naibulsa niya sa Armed Forces of the Philippines (AFP), nagawa pang itanong ni dating Defense Sec. Angelo Reyes kung siya raw ba ay naging “suwapang” at “ganid”.

Ikaw naman Sir, nagtatanong ka pa. Nakalimutan n’yo na ba ang kasabihan, ang isda raw ay sa bibig nahuhuli?

Ang nakakatawa, sa kanya pa mismo nanggaling kung ano ang dapat itawag sa mga mandurugas na opisyal sa pamahalaan at sa AFP.

Pero ang hindi natin alam ay kung naitatanong din ‘yan ng dating kalihim kapag humaharap siya sa salamin.

Kayo na lang po ang pumili kung “suwapang” o “ganid” ang dapat itawag sa mga tulad nila.

Ha, ha, ha!

Mga staff ng RP Embassy sa Tokyo bastos na, sinungaling pa!

MYLA DAVID (Japan) – “Parang pinalilitaw na naman ng mga taga-Japan Embassy na ang babait nila. Pweeeh! Magbago na kayo! At maraming salamat sa programa ni Mr. Lapid na Lapid Fire!”

* * *

MARTIN DE LEON – “Tila ‘di yata naiintindihan ni Amb. Manny Lopez kung ano ang tinatawag na imbestigasyon at kung ano ang kaakibat ng kanyang tungkulin. Ang reklamo ay balido, lalo’t ito’y pinatutunayan ng marami. At marapat lamang na imbestigahan. Ang tamang imbestigasyon ay pinatatawag ang ‘complainant/s’ para hingan ng statement, and so on. Mr. Manny Lopez, ‘yan ay tinatawag na administrative case. Ang liham sa iyo ni Pareng Manny ay pagtatakip o pagkunsinti sa kanyang mga tiwaling nasasakupan. Ginagawa nilang masahol pa sa timawa ang mga kababayan natin sa ibang bansa. Tama ka Percy, cover-up ito. Hindi ganyan ang paraan ng tunay na pagiimbestiga. Ako ay nagtrabaho sa gobyerno at naatasan sa napakaraming pagkakataon na mag-imbestiga ng mga reklamo laban sa aming mga empleyado. Kung ‘di mo alam Manny, ang paraan, TUTURUAN KITA! Pekeng ambasador ‘to! Embassy staff lang ang ang binigyan niya ng kunsiderasyon. Nag-imbistiga ka ba Manny Lopez, o nagtanong lang sa isang panig? Kung ganito nga lang ang ginawa mo, ano ang maitatawag mo sa sarili mo?”

* * *

MALOU MONTERO (Japan) – “Parang ‘yon na nga ang nangyayari. Pekeng ambalsamador na ‘yan, eh, ambassador pala. Kahit nagmumura na ‘yung mga staff niya hindi niya naririnig at nakikita. Amb. Manny Lopez, paano na lang ‘yung susunod na mga taong pupunta sa Phil. Embassy sa Tokyo, Japan? Kawawa naman ‘yung mga kababayan namin ditto, lalo na ‘yung ‘kalbo’ diyan at ‘yung kumukuha ng litrato at finger print diyan, masama ang tabas ng bunganga! Kawawa din ‘yung babaeng minura niya, umiyak nang umiyak nung lumabas na sa Embahada.”

* * *

MAHAL DELA SERNA (Japan) – “Haaay! Paano na lang ‘yan? Dito sa Japan, hindi kami puwedeng kumuha ng maid para alagaan ang aming mga anak. Hindi namin puwedeng iwan sa kapit-bahay. At walang kwenta ‘yung sinasabi nilang on-line dahil bio data lang ang kinukuha at kailangan mo pa ring pumunta sa kanila, maghintay nang oras at nakapila pa po kami. Matanong lang po sa kanila, Ano’ng bisa niyang on-line, on-line na ‘yan kung personal apperance pa rin kaming pupunta sa kanila? ‘Yung sinasabi nila ay para sa kanila, paano naman kami? At ‘yung mga ugali nila mga bastos sila na nandiyan sa loob. Psensiya na po kayo, Ka Percy, kasi unfair ‘yung mga sinasabi nila. Nagpapasalamat po kami ng malaki sa inyo, mabuhay po ang inyong programa! Gusto ko lang po ihinga ‘yung nararamdaman ko. Alam namin taga-pagtanggol kuno namin sila pero sila ang umaapi sa amin. Hindi po naman magrereklamo ang mga tao kung susundin nila ‘yung sinasabi nilang mga window na open lahat para hindi kami magsiksikan doon sa maliit na pasilyo, malapit po sa kubeta, nandoon din po ‘yung window para kami magbayad. Kung makita lang sana kami nu’ng atorni sa DFA na sinasabi n’yo, nakakaawa po ang kalagayan namin. Siguro binago na nila kasi may sumbong na sa mga pinaggagagawa nila sa loob. Hindi po masabi ang pangalan kasi wala po silang ID or name plate.”

* * *

JERICHO CRUZ – “Sir Percy, alam n’yo naman ang mga tiwaling opisyal, basta makakalusot, lulusot at lulusot po iyan. Pero ang kalansahan ng isang barangay, kahit itago pa nila, maaamoy at maaamoy din. Pero dahil sa ginawa ninyong aksyon, naniniwala po ako na gagawa na sila ng hakbang para ayusin ang Embahada. Mabuhay ka, Mr. Percy Lapid!”

***

MARVIN SANTOS – “Ka Percy, paki sampolan naman ‘yang mga taga-DFA na ‘yan! Aba, eh halos 3-months bago makakuha ng passport. Tuloy, ‘di nakaabot ang passport ng misis ko sa Italy. Mababayaran ba nila ang pagkakataon naming guminhawa sa buhay na nawala dahil sa punyetang passport appointment system nila? Nakiusap kami sa passport division nila tungkol sa kaso namin pero wala silang pakialam!”

Paliwanag ng DFA at RP Embassy sa Tokyo

INYONG matutunghayan ang liham ni Department of Foreign Affairs (DFA) Asst. Sec. J. Eduardo E. Malaya bilang sagot sa kamakailan ay inilathala nating reklamo mula sa ilang kababayan nating OFW sa Japan laban sa mga aroganteng tauhan ng Philippine Embassy sa Tokyo.

Ang liham ni Assec. Malaya, spokesperson at head ng Public Information Services Unit (PISU) ng DFA, ay base sa isinagawang “imbestigasyon” at paliwanag ng tanggapan ni Ambassador Manuel Lopez laban sa kanyang mga tauhan na ginagawang bisyo ang pambabastos sa mga kababayan nating OFW na dumudulog sa Konsulado ng ating Embahada sa Tokyo. Narito po ang kanilang paliwanag (may petsang Jan. 26, 2011):

Ginoong Lapid:

Gumawa po ng masusing pagsisiyasat ang Embahada ng Pilipinas sa Tokyo ukol sa idinulog na reklamo ng ating kababayan sa inyo na inyong isinulat sa Hataw noong 17 Enero 2011.

Narito po ang resulta ng imbestigasyong isinagawa ng Embahada:

1. The Embassy’s Consular Section has been crowded for the first ten (10) days of January due to increased number of applicants. During the date in question, January 12, the Embassy processed a total of 138 passport applications excluding other consular applications like civil registration, notarials, visas and authentication.

2. The Embassy’s Consular Section opens at 9:00 AM and not at 1:30 PM as indicated on the complaint in your column. In order to better manage the flow of applicants (especially during peak days), the Embassy has employed a “numbering system” wherein the first 50 applicants are processed in the morning. The rest, from the 51st applicant onwards are advised to return at 1:30 PM. Their names are recorded in the logbook and they are given numbers upon their return.

3. In addition, the Embassy has instituted an online passport application system to make it more convenient for the public. Each online applicant is given an appointment schedule to avoid the long queues for walk-in applicants.

4. The Consular Section has five (5) separate transaction windows and not only one window as pointed out by the complainant. There is one window each for passport, for civil registration, for notarials, for visa and authentication and for the cashier. Admittedly, the current office configuration is not sufficient to accommodate a fairly large number of applicants. However, the Embassy has always endeavored to facilitate the filing and processing of applications to reduce the waiting time of applicants. The Embassy has also been implementing “an Applicants Only Policy”, except for those bringing their small children or those who need to accompany the elderly and the disabled, to minimize crowding in the public area.

5. The Consular staff confirmed that a lady applicant, who experienced dizziness, was accommodated ahead of the others who were in line. The consular staff said their attention was called by another applicant regarding the condition of the lady. The Consular staff said that “they did not make any unkind remark” to the lady. They said that one of the applicants, who was also in line, joked that they should also be accommodated since “they were also dizzy.” This elicited laughter but the joke was never meant to insult the lady.

6. The Consular staff who processed the lady’s passport application said that the processing went smoothly and without any delay.

7. The Consular staff does not recall any other incident which occurred during that day wherein an applicant was maltreated and insulted as alleged in the complaint.

Samakatuwid, bukas po sa umaga at hapon ang Embahada upang magbigay serbisyo sa mga kababayan nating nasa bansang Hapon. Binibigyan lamang po ng “priority numbers” ang mga aplikante upang mas mapadali ang pagbibigay serbisyo sa lahat.

Gayundin, marami pong bukas na “service windows” na nakalaan para sa iba’t ibang transaksyon ng ating mga kababayan.

Gayunpaman, humihingi po kami ng paumahin kung nasaktan man po ang ating kababayan sa pag-aakalang pinagtawanan siya sa kanyang kalagayan. Hindi po intensyong makasakit ng damdamin ninuman ng ating kawani sa ganoong klaseng sitwasyon.

Ayon kay Ambassador Manuel Lopez, ginagawa po ng Embahada ang lahat upang patuloy na maihatid sa ating mga kababayan ang mabilis, maayos at angkop na serbisyo sa ating mga kapwa Pilipino sa bansang Hapon.

Maraming salamat po.”

Abangan sa susunod ang mga reaksiyon sa “imbestigasyon” at paliwanag ni Amb. Lopez at ng Embahada.

Mayor Lim pinasalamatan; City hall exec, employees, OsMa doctors pinapurihan!

NOONG nakaraang taon ay dumulog sa atin si Gng. Elvic A. Gomez, 35 yrs old, residente ng #4 Canada Street, Upper Banlat, Tandang Sora, Quezon City.

Sa kanyang liham para kay Manila Mayor Alfredo Lim ay kanyang ipinadla sa atin at itinampok natin sa pitak na ito noong Octber 15, 2010.

Hiningi ni Gng. Gomez ang tulong ni Mayor Lim na tulungan siyang maipagamot ang ‘di karaniwang karamdaman na kanyang taglay, isang uri ng sakit sa balat na kung tawagin ay ‘psoriasis’.

Muli siyang lumiham sa atin upang ipaabot ang kanyang taos-pusong pasasalamat kay Mayor Lim sa mabilis na pagtugon sa kanyang hininging tulong.

Nais rin niyang pasalamatan ang chief of staff ng alkalde na si G. Ric de Guzman at ang mga empleyado sa Office of the Mayor, pati na ang mahuhusay at mababait na doctor sa Ospital ng Maynila (OsMa) na tumulong sa kanya. Narito po ang kanyang liham:

“Dear Sir Percy,

This is in reference to my open letter for Mayor Lim which was published on your co-lumn last October 15, 2010. I was the one who was asking for medical assistance at Ospital ng Maynila.

Pleased to inform you sir, that I am having my regular check ups there since Dec. 1, 2010, and still going.

I hope it wouldn’t be too much for my asking if I can extend my sincerest gratitude, first; to Mr. Ric de Guzman, COS of Manila Mayor Alfredo Lim who personifies the true essence of what a public servant is, treating each and everyone fairly, letting us sit and wait for our turn to be accommodated in his table, be it that we have carry a special note or none. Also, I admire his addressing those that were in coats and ties, and those in their slippers the same ‘Sir/Madam’. Truly, a public servant.

Hats-off too to the front desk staff of the Office of the Mayor, because in my 20 minutes of waiting in the lobby, I saw how their patience was for attending painstakingly and patiently to persistent, insistent and sometimes, a bit rude constituents.

I will always be indebted to Mayor Alfredo Lim and the City of Manila for not limiting its service to the Manilenians.

Also, I would like to give my heartfelt thanks to the doctors of Ospital ng Maynila - Derma Department - particularly to Dr. Aileen Morales and Dr. Jema Fajardo Bautista who accommodated me inspite of my being a non-Manila resident.

Though I hadn’t been able to undergo PUVA (machine still needs some repairs), they have provided me with the maintenance medicines and the encouragements I so badly needed to recover faster.

Also, they had encouraged me to join a support group, which has given me the inspiration to join Psoriasis Philippines (PsorPhil) wherein I was warmly welcomed by its founder, Mr. Josef de Guzman, and its members, and I am pleased to inform you too, that I am currently 1 of the Junior Moderators of PsorPhil.

Lastly, my highest regard to the person who made all this possible by accommodating my humble letter in his column. I wouldn’t be able to step forward to reclaim the normalcy in my life if you hadn’t given me the chance to reach out to the right people.

Maraming salamat po, Mr. Percy Lapid! Mabuhay po kayo at more power po. God bless you!”

Reaksiyon pa sa mga bastos na staff ng RP Embassy sa Tokyo

BASAHIN ang ilan pang reaksiyon mula sa mga listener ng ating programa sa radyo at readers ng ating kolum laban sa mga abusadong tauhan ng Philippine Embassy sa Tokyo, Japan na imbes magserbisyo ng matino ay ginagawa pang bisyo ang pambabastos sa mga kababayan nating OFW:

MARICOR (New York, USA) – “There’s nothing worse than a group of uncivilized animals working in one place. Saan ba pinagdadampot ang mga barbaric na mga walang breeding na iyan? Shame on you all, ang kakapal ng mga pagmumukha, ‘andiyan kayo para maglingkod sa mga kababayan ninyo! Kung hindi aalisin ang mga bastos na ‘yan, maybe our government should provide ‘latigos’ ang chains para lubusin na ninyo ang pag-torture sa mga Pilipino sa Japan. We are watching you, we need results, heads rolling! Hello, sooo rude! Kakairita, sarap kunan ng litrato mga ugly faces nila at i-post sa internet. Nag-ID pa kayo, tinatago naman ninyo.! Get rid of these buffoons back to the jungles where they belong. Arrogants, bullies…jerks! Baka magmakaawa pa ang mga iyan at magsinungaling, lalo na ‘yung kalbong mukhang mutant. Bastos! Please keep us posted, Lapid Fire!”

Pambabastos sa OFWs ng RP Embassy staffs sa Tokyo kinondena

DINAGSA ng reaksiyon ang sumbong ng ating mga kababayang OFW laban sa mga arogante at bastos na empleyado ng Philippine Embassy sa Tokyo, Japan.

Ang reklamo na ipinag-utos imbestigahan ng Department of Foreign Affairs (DFA) ay magkasunod nating itinampok nito lamang nakaraang Lunes at Miyerkoles sa pitak na ito at sa ating programang ‘Lapid Fire’ sa DWIZ (882 Khz/AM band) na sabayang napapakinggan at napapanood ng live sa buong mundo via ustream.tv/channel/lapidfire-dwiz sa internet, mula 12:00 mn - 1:00 am, Lunes hanggang Biyernes .

Tunghayan ang ilan lamang sa ipinadalang reaksiyon sa atin:

L. DE GUIA (Japan) – “Totoo pong mga walanghiya ang mga tao dito sa loob nang Embahada ng Tokyo, Japan, wala silang awa sa kapwa nila Pilipino. Ang nangyari naman sa amin ay umuulan, hindi kami pinapasok sa loob, pinapabayaan kami sa labas na basang-basa sa ulan. At ‘yung kasama ko, may dala pang mga anak n’ya, malayo pa po ang pinanggalingan namin. Pumunta kami nang maaga para mauna sa linya, kailangan namin ma-renew ang expired naming passport para nga makauwi diyan sa ‘Pinas at ito po ang ginawa nila sa amin? At kaunting pagkakamali lamang sa papel or dokumento, hindi tama ang size, pinapabalik nila kami para i-zerox uli at balik ka uli sa dulo ng linya. Pahirap po ang binibigay nila sa kapwa mga Pinoy, wala po silang awa sa mga may trabaho pa sa gabi at malayo pa ang inuuwian, at may mga maliliit pang anak na dala-dala. Magpapasalamat kami ng malaki kung mabigyan ng katarungan ‘yong mga asal ng Phil. Embassy rito sa Tokyo, Japan na mayayabang at mga bastos, akala mo sila lang ang tao sa mundo! Ang pangbabastos n’yo sa mga kapwa n’yo Pinoy at Pinay ay dapat lang ireklamo. Sa totoo lang, wala kayong karapatan sa inuupuan n’yo ngayon. Mga bastos kayo sa Phillipine Embassy ng Tokyo! Sana po dinggin ninyo ang mga reklamo namin dito, palagi po kaming nakikinig sa programa n’yo. Mabuhay po ang LAPID FIRE! Salamat po!”

* * *

TIGRA DU (Manila) – “Your program is really a big help! Narinig ko nga ho the other nite sa programa n’yo aside from having read them in your newspaper column.”

* * *

HIROYUKI (Tokyo, Japan) – “Yes it’s true, kung wala ang programa at kolum ni Mr. Percy - ang Lapid Fire- masakit isipin ‘yung pambabastos sa amin. Oo, kasama ako, siksikan ang haba ng pilang pinahirapan n’yo. Konting mali sa papel ko pinabalik n’yo ako sa likod ng pila para mag-zerox ulit, naninigaw pa kayo! Nag-panic ako dahil ipinahiya n’yo pa ako sa maraming tao, mga bastos kayo! Hindi n’yo ba alam na pinadala kayo rito para tulungan kami, hindi para babastusin? May narinig pa ako sa inyo diyan sa isang Pilipino, lumapit din sa inyo anong sabi n’yo diyan sa loob? Papunta-punta pa kasi dito sa Japan. Dapat bang sabihin ‘yan sa Pinoy na nandidito na sa Japan? Mga walanghiya kayo, maglagay kayo ng ID para may pangalan kaming mabanggit, huwag n’yong itago ang pangalan nyo! Mayayabang!”

* * *

MYLA DAVID (Japan) – “Dapat lang na ‘di tinatago ang mga ID nila para madali silang makilala. May itinatago ba sila kaya ayaw nilang magpakilala sa mga tao? Isa na rin ako sa nakaranas niyan, buti na lang may nagreklamo na! Abusado na kayo, eh! Salamat ng marami kay Mr. Percy Lapid dahil may pumukaw sa mga bastos na pag-uugali ng mga taga Tokyo Embassy! ‘Buti na lang may LAPID FIRE! Banzai!”

* * *

VIRGIE ONG (QC) – “Percy, pity those OFW. Malaking sacrifices para magtrabaho sa ibang bansa para kumita ng kaunti for their family.”

* * *

EDGIE F. GO – “Ganyan ba ang mga pinapasuweldo natin sa mga hayop na ‘yan na kung tawagin pa naman eh embalsamador, este. ambassador para lang bastusin ang mga OFW natin na kung tawagin natin eh bagong bayani?”

* * *

MARTIN DE LEON – “Dito natin makikita kung ano ang sinasabi ni P-noy na tuwid na landas. Balasahain AGAD ang Embahada sa Japan. Pagkuha pa lang ng dokumento ‘yan. Paano na kung pagsagip ng buhay? Isang Pinoy na tatakbo diyan sa pag-asang santuaryo ‘yan para sa kanya?”

* * *

RURIK SANCHEZ – “Sobra pa sa bastos, mga P.I. ‘yang mga ‘yan na staffs ng Phil. Embassy sa Japan! Mga dorobo, linta! Lahat na ng kawalanghiyaan nasa kanila, mula’t sapul bastos na ‘yang mga ‘yan!”

* * *

TSUBAMI SAWADA (Japan) “Dapat sa inyo pauwiin na kayo, mga bastos! Baka meron pa kayong matinding gawin sa kabayan namin diyan sa Tokyo. Hindi pala kayo asal-tao, mga mayayabang! Sa kubeta kayo ng ‘Pinas nababagay magtrabaho! Mga feeling diplomat (kuno)!

* * *

JOY (Tarlac City) – “Salamat sa pagtulong n’yo sa ating mga kababayan. Dapat paalisin ‘yan panot na empleyado ‘yan sa Phil. Embassy, tutal maraming walang trabaho. Kasi baka pagalitan lang ng konti kaya wala din mababago sa ugali, paulit-ulit lang.”

MGA BASTOS NA TAUHAN NG EMBASSY SA TOKYO PINAIIMBESTIGA NG DFA

INATASAN na raw ng Department of Foreign Affairs (DFA) si Ambassador Manny Lopez para imbestigahan ang reklamo laban sa mga “bastos” na empleyado ng Philippine Embassy sa Tokyo, Japan.

Ito ay matapos nating ilathala sa pitak na ito noong Lunes ang reklamo na ipinarating ng mga kababayan nating OFW sa Japan na listeners ng ating programang ‘Lapid Fire’ sa DWIZ (882 Khz/AM band) viaustream.tv/channel/lapidfire-dwiz sa internet.

Sa natanggap nating tawag kamakalawa ng hapon, sinabi ni DFA spokesman Asst. Sec. Ed Malaya sa inyong lingkod na ang naturang reklamo ay agad nilang ipinarating kay Amb. Lopez upang imbestigahan ang reklamo laban sa kanyang mga tauhan sa Embahada.

Nakiusap si Atty. Malaya na kapag lumabas na ang resulta ng imbestigasyon ng Embahada sa Tokyo ay saka na siya magpapaunlak sa paanyaya nating makapanayam siya sa ating programa sa radyo upang makunan ng pahayag tungkol sa reklamo.

“KALBO” RAW ANG BASTOS

BUKOD sa tawag, tumanggap din tayo ng text mula kay Assec. Malaya na inyong mababasa.

Pero bago ang nasabing text, idadagdag muna natin ang ilan pang isyu at reklamo na hindi kasama sa nauna nating kolum:

Isa sa mga tarantadong empleyado na umano’y nambabastos ng kapwa niya Pinoy at nakatalaga sa window booth ng Embahada noong Jan.12, ayon sa reklamo, ay “KALBO”. (Sa madaling sabi ay kalbo na ang ulo, kalbo pa ang utak.); at

Hindi rin daw nagbibigay o nagbabalik ng sukli sa mga nagbabayad ang nakatalaga sa cashier.

Ang hindi ko lang alam ay kung nagbibigay na ng kaukulang “OFFICIAL RECEIPT” ang Embahada natin ngayon sa Tokyo, isang requirement sa batas na nadiskubre nating hindi sinusunod at binabalewala sa paniningil at mga transaksiyones ng Embahada sa Tokyo noong dekada ’80.

Bakit ba hapon na, 1:30 pm, binubuksan ang embahada sa Tokyo at hindi ito alam ng mga Pinoy na naninirahan at nagta-trabaho doon?

At bakit walang holding area na komportable para sa ating mga kababayan habang naghihintay sila kung kelan sila gustong harapin ng mga tauhan ng Embahada?

Hindi n’yo naitatanong, ang inyong lingkod ay matagal na namalagi sa Japan bilang legitimate entertainer mula pa noong dekada ’70.

Ang mga reklamong inilathala natin ay wala sa kalingkingan ng mga nalalaman kong kagaguhan at milagrong nakatago sa likod ng Embahada natin sa Tokyo.

Pero ang tungkol diyan ay sa ibang pagkakataon na natin muling bubusisiin at hahalukayin.

Samantala, narito po ang text message ni Assec. Malaya sa atin kamakalawa ng gabi:

“Ipinarating ng DFA sa Embahada ng Pilipinas sa Tokyo ang reklamo na idinulog n gating kababayan sa inyong programang Lapid Fire sa DWIZ at hinihingan ng ating department ng explanasyon ang Embahado tungkol sa reklamo.

Sa aming palagay, dapat palaging professional at maayos ang pakikitungo ng ating mga kawani sa ating mga kababayan sa loob at labas ng bansa at sa lahat ng iba pang tao, kaya inatasan ng Departamento ang Embahada na mag-imbestiga at magbigay linaw sa reklamo, at kung nauukol, magpataw ng administratibong sanction sa mga dapat managot.”

Nagpapasalamat tayo kay Assec. Malaya sa kanyang pagtugon at harinawa ay magkaroon sana ng resulta ang mga naturang reklamo alang-alang sa bansag na mga “Bagong Bayani”.

TAKOT MAGREKLAMO, BAKA RAW

IPITIN NG EMBASSY ANG PASSPORT

M. MONTERO (Tokyo, Japan) – “Maraming gustong mag-reklamo rito Ka Percy pero natatakot, baka daw ipitin yung mga dukomento nilang nakapasok na sa loob ng Embahada rito sa Tokyo, Japan. Paano ang gagawin naming? Next month, kailangan naming magpa-extend ng aming visa rito sa Tokyo Immigration. Kung iipitin nila ‘yung pasaporte naming, magiging over stay po kami rito. ‘Yan po ang reklamo ng isang Filipina na naginginig sa takot.”

Mga tauhan ng RP Embassy sa Tokyo, Japan, puro bastos!

WALA na sigurong mas masakit pa para sa isang OFW kundi ang bastusin, hiyain at pagmalupitan ng kanyang kapwa Pinoy na inaasahan niyang tutulong at karamay niya sa sandali ng pangangailangan.

Ganito mailalarawan ang sentimiyento ng isang Pinay na luhiham sa atin upang ang kanyang reklamo at hinaing ng mga kababayan nating OFW laban sa mga aroganteng tauhan ng Philippine Embassy sa Tokyo, Japan ay makarating sa kinauukulan.

Ika-12 ng Enero, isang Pinay ang tumawag sa atin upang ireklamo ang masamang pagtrato sa kanya ng mga nakatalagang empleyado sa Philippine Embassy. Siya ay matagal nang naninirahan sa Tokyo subali’t pansamantala muna nating itatago ang kanyang pangalan.

Siya ay isa lamang sa lumolobong bilang ng mga listener ng ating programang “Lapid Fire” sa DWIZ (882 Khz/AM band), 12:00 mn to 1:30 am, na sabayang napapanood at napapakinggan sa buong mundo via ustream.tv/channel/lapidfire-dwiz sa internet.

Pahapyaw nating natalakay sa programa ang tungkol dito noong Jan. 12 matapos makarating sa amin ang kanyang E-mail.

Sa ipinadala niyang liham sa atin (may petsang Jan.12), ikinuwento rin niya ang hindi wasto at masamang pakikitungo ng mga aroganteng empleyado ng Embahada natin doon laban sa mga kababayan nating Pilipino na dumudulog sa kanila.

Nais niya at ng mga kababayan natin na makarating ang mga bagay na ito sa kaalaman ng mga natutulog na tanggapan ng Department of Foreign Affairs (DFA) at iba pang kinauukulang ahensiya ng pamahalaan upang kumilos.

Ayon sa kanyang liham, alas-8:00 ng umaga noong Jan. 12, umalis na siya ng bahay para pumunta sa Philippine Embassy kahit medyo masama ang kanyang pakiramdam upang magpa-renew ng kanyang passport. Ang ating Embahada ay matatagpuan sa Azabu Juban, Ropponggi, Tokyo

Alas 9:30 ng umaga siya dumating at dinatnan na niya ang mahabang pila ng mga Pinoy. Pero ang sabi raw ng guwardiya ay bumalik na lang sila dahil 1:30 pa ng hapon magbubukas ang Embahada kaya 4 na oras pa ang ipinaghintay nila habang sa labas ng Embahada na wala silang komportableng masisilungan upang maibsan ang sobrang ginaw na nadarama.

Ang iba sa kanila, lalo na ang mga ina na mula pa sa malalayong lugar sa Japan at bitbit kanilang maliliit na anak na nag-iiyakan sa matinding lamig.

Nang papasukin na sila sa loob ay mahaba ang pila sa masikip na pasilyo ng Embahada dahil “one-window booth” lamang ang binuksan kaya nagsisiksikan sila imbes na buksan lahat upang mapabilis at ang lahat ay mapagserbisyuhan.

Gano’n din daw ang bintana ng cashier, isang bintana lang ang binuksan kung kaya’t naging mabagal ang kanilang pagbabayad.

Marami pa naman sa kanila ang kailangang makabalik sa kani-kanyang lugar na pinanggalingan at kailangang pumasok pa sa trabaho.

Buti na lang daw, may isang Pinoy sa pila na nahalatang masama ang kanyang pakiramdam kaya nagmagandang loob na nakiusap sa mga empleyado na kung maaari ay unahin na lamang siyang asikasuhin.

Pagpasok daw niya sa loob ng counter, isa sa mga Embassy staff ang biglang umarte at nagsalitang siya rin daw ay nahihilo. Nang marinig ito ng ibang staff ay sabay-sabay daw na nagtawanan, sa pag-aakala marahil na ang pobreng Pinay ay umaarte lamang.

Sumunod nilang narinig na tinawag ang isang Pinay para sa finger print at passport photo na matapos sigawan ay inalipusta pa ng isang Embassy staff na lalake.

Sinabihan umano ang kawawang Pinay na: “Gaga! Ang bobo mo talaga! Ang tanda-tanda mo na hindi mo pa rin alam kung alin ang kaliwa at kung alin ang kanan!”, sabi raw ng punyetang empleyado.

Ganito ba tinatrato ng mga “hijo de punyeta” sa gobyerno ang OFWs na kung tawagin ay mga “Bagong Bayani”?

Abangan sa mga susunod ang karugtong!